關楚耀撐亞姐被笑矮仔

候選亞姐昨日與關楚耀、羅力威、亢帥克會見傳媒，原本一共有二十位佳麗，但當中(11)、(16)因病缺席，(20)則未到港，而昨日亞視高層葉家寶則宣布(12)越南佳麗麥莎莉因病退出。葉家寶說：「佢同某啲食物敏感，6年前喺越南試過喺唐人餐廳食完嘢後全身抽筋，嚟香港後都發生過此情況，嚴重到要用十字車送院，同佢家人傾過後決定退出。」由於時間緊迫，故大會不打算找人補替。葉家寶又指今年亞姐會玩5D全立體比賽，當中有一「裸肌」環節。

最高6呎1

與佳麗拍攝MV而相處了數日的關楚耀笑言有佳麗高他三個頭，問他個頭豈不是對着其胸部時，他說：「我又冇咁諗喎！就住影囉！」不怕與佳麗傳緋聞的他坦言與海外佳麗多交談，問是否始終喜歡鬼妹仔時，他謂：「佢哋主動啲！」

而佳麗當中最高、達六呎一吋的是來自韃靼斯坦的(8)維他‧芝寶絲娃，她坦言高度是其優勢，說到與關楚耀拍攝，會否因對方矮自己太多而尷尬時，她笑言：「唔介意，心地好就足夠，唔需要高。（但佢尷尬？）我知！（頭先影相你都就住佢？）呢個答唔到！」問男友有幾高時，她表示自己多人追，但未有男友，不過男友不需太高，靚仔便可。問覺否關楚耀靚仔，她笑言：「代表中國人佢係靚仔，（咁代表外國人佢係咪太矮？）你哋自己都知啦！」

關楚耀（前右起）、羅力威、亢帥克與16位佳麗合照。

(12)麥莎莉因病退選。（資料圖片）

(9)狂出粒粒

而(9)泰國佳麗邱淑芬臉上勁多粒粒，她表示之前於泰國看了醫生，可能對藥物太敏感所致，她不諱言怕影響賽果，之前亦曾於泰國做過多次護膚及激光療程，更表示有需要會做去疤療程呢！

文：影視組