李亞男爭取見面接祖藍收工

「藍男戀」主角王祖藍和李亞男，昨日各自忙於在電視台為不同的台慶環節綵排，李亞男坦言戀情公開後兩人仍未有時間出街拖手仔，她說：「我好渴望，好興奮，睇吓對方幾時收工，可以正正經經食餐飯，好開心，終於可以等佢收工。佢都有話可以正式車我返公司，不過依家都仲未夾到時間。（同居咪多啲時間見？）唔得，我哋唔會同居。」

男友扮靚好眼光

李亞男甜絲絲地說今年台慶衫由自己設計，將交由祖藍過目，大讚男友扮靚好眼光，她說：「佢話要做我image designer（形象設計）。」

另一邊，以全新造型扮TV Buddy的王祖藍，聯同汪明荃、阮兆祥及李思捷出席《荃加福祿壽玩轉台慶之愚樂新吟之頒獎禮前傳》記者會，問到女友有意等收工，祖藍說：「我都想，公開咗但仲未可以接佢返工。」身旁的阿姐笑問祖藍何時帶女友來見她。

王祖藍（右二）以TV Buddy造型與阿姐等宣傳台慶節目。	李亞男（後）與一班藝員為台慶積極綵排。	楊秀惠練習跳舞一絲不苟。

家英哥病情好轉

此外，記者問到家英哥病情，阿姐說：「進步緊，唔係好緊要，所以都OK，佢飛咗添，簽咗約唔可以影響工作，（唔怕佢操勞咩？）都冇辦法。」阮兆祥搞笑地問阿姐有否叫家英哥順便驗其他地方，阿姐笑說：「驗咗個腦冇問題！」

文：影視組