超雲得賭王撐腰 向柏豪開綠燈
賭王三房千金何超雲自與皮草業太子王大業分手後緋聞不斷，早前更與周柏豪傳出緋聞。前晚周柏豪生日前夕，二人同場出席活動，超雲不避嫌公開向柏豪大派定心丸做生日禮物，揚言賭王開綠燈不限制自己擇偶，難怪柏豪生日開工依然四萬咁口。
何超雲與周柏豪前晚同場出席公開活動，現身MINI Cooper推出的MINI Countryman新車揭幕儀式及派對，最終在傳媒要求下，二人半推半就合照及一起接受訪問，周柏豪坦言起初對同場不尷尬，但現場氣氛令他感到不知所措。而柏豪亦坦言有與對方聯絡，但在超雲面前就非常小心地說：「正常朋友方式底下正常溝通。」問到大家會否視對方是理想伴侶？超雲說：「係朋友，非常理想嘅朋友。」
讚父親皮膚靚
超雲坦言做朋友的條件是要互相關心，至於柏豪如何才可以奪得她的芳心？她忽然調皮地說：「如果佢有，我都唔話你知，唔好玩啦！」至於是否要先過賭王關？此時，她在柏豪面前大派定心丸：「爸爸好尊重我，唔會限制我同邊個拍拖。」
超雲亦透露是次回港是為陪伴賭王於本月二十日出席領獎活動，她相信父親可以自行上台領獎，又大讚父親皮膚好，她說：「佢可以代言護膚品牌，皮膚係粉紅色。佢可以自己行，不過就好似肥仔，有73公斤，醫生希望佢減四磅。」
超雲出席活動後，即與一男一女友人乘車前往上環信德中心過澳門，剛見完柏豪的超雲心情似乎十分好，雖然有傳媒跟足全程，但依然笑笑口。
微博送上祝福
昨日柏豪雖是壽星仔，不過他依然要到港台開工拍攝劇集《有房出租》，劇組演員姜大偉、唐寧、官恩娜更為他即場慶祝。問到何超雲可有約他食飯？柏豪透露超雲前晚已對他說食生日飯：「當然大家有講過話食飯，不過未有時間約到，佢只係剛剛返香港。」雖然超雲沒有送生日禮物，但超雲與郭富城等亦有在微博送上祝福，他更說：「好開心郭富城同我講生日快樂。」
文：名人組、追蹤組、音樂組