RubberBand有碟出已滿足
「四台聯頒」宣布停辦一年，英皇和東亞反杯葛，事件哄動樂壇，各歌手都議論紛紛。
金牌大風旗下樂隊RubberBand本在「四台聯頒」之「大碟大獎」和「歌曲大獎」大熱，現卻捧獎夢碎，他們說：「唔失望，亦唔覺唔好彩，我哋做碟唔係為獎項，有得出碟已經好開心。」
蘇永康以奧運會作比喻，他指如果有幾個國家杯葛奧運，有很多選手不參加便失去公平意義。他續稱：「依家係三輸！電視台、歌手、唱片公司都輸晒！」
東亞歌手王菀之表示：「冇一個決定可滿足所有人要求，自己跟公司做法。（冇咗目標？）唔會用獎項做目標。」
Neway歌手HotCha對「四台聯頒」停辦感可惜，亦尊重英皇和東亞不再參與。三女說：「但世事多變，可能好快又有新轉變，希望一切以和為貴。」
