敖嘉年遇冼灝英冇打招呼
敖嘉年日前涉嫌遭冼灝英飛杯爆眉角，他昨日宣傳時稱不會就對方指「一門無二師」而道歉。而後者卻一直迴避傳媒，即使被陳觀泰指其太暴躁是師門不幸，但仍沉得住氣繼續到拳館教細路，但卻不滿記者到訪而「出手」驅趕。
無綫劇《巾幗梟雄之義海豪情》昨於奧海城舉行宣傳活動，一眾演員黎耀祥、鄧萃雯、敖嘉年、黃浩然、陳法拉等現身撐場。劇中演「排骨」的敖嘉年日前疑因「拜師學武」的恩怨，涉嫌遭演員冼灝英於《花花世界花家姐》煞科宴中打爆左眉角。昨日他負傷出席《巾２》宣傳，他稱要洗傷口而遲到，並說：「情況好轉咗，亦有請中醫師推拿，醫師話我傷到三叉神經線，所以左邊面有啲痹。（事發後有冇撞過冼灝英？）以前會喺公司撞到佢，但隔太遠冇打招呼，（冼接受訪問時話『一門無二師』，仲話對你失望？）呢啲報道唔回應，我真係冇嬲亦都冇諗追究，只係想快啲好番。（希望佢道歉？）冇所謂，（你又會就佢講嘅『一日為師，終身為師』而向對方致歉？）吓！」明顯嘉年不覺得需要道歉。
冼灝英照教拳
至於遭「圍插」的冼灝英，並無改變其熱愛教拳的態度，昨日「孭保」都要繼續到銅鑼灣一間韓國跆拳道拳館教小朋友跆拳道。身穿寫有「大聖劈卦門」汗衫的冼灝英，警覺性十分高，甫發現有陌生人出現在拳館附近範圍，即處於戒備狀態，並走出拳館查問記者來意。當被問到他涉毆打敖嘉年一事？他說：「我冇嘢講，你哋唔好騷擾到小朋友，（陳觀泰講咗嘢？）由得佢講，我冇嘢講。」說罷他即返回拳館，並鎖上大門，但仍不時透過門窗查看記者動靜。
黃浩然撐師傅
至於黃浩然曾向冼灝英拜師，他對與嘉年同場宣傳不感尷尬，坦言不知嘉年與師傅的恩怨，但力撐師傅為人是他的榜樣：「我都算係有拜師，其實拜唔拜師係其次，最緊要係尊重，佢係我好友，好師傅。」
文：影視組