童愛玲努力追個女
童愛玲帶同七歲兒子一同出席「兒童慈善心嘉年華」活動，她透露因家中傭人休假兩個月，故大小家務都要由她包辦，她說：「朝早五點九就要起身煮早餐畀個仔食，因為佢六點半就要返學，冇工人係辛苦啲，但個仔就可以獨立啲。（以後唔請工人？）咁又唔得，呢兩個月冇工人冇晒私人時間，又唔出得埠。」問到會否追一個女兒？她說：「都想，其實我哋好努力，但暫時未有好消息。」她又謂想生女純粹不想兒子日後辛苦：「我怕我老咗佢（要養我）會好辛苦。」
而同場還有久未露面的楊受成胞姊邱楊寶春女兒邱子茵一家四口，她表示現時除了湊小朋友外，亦有上班工作，還要到內地公幹，每次出門女兒都顯得依依不捨。