可盈追多件仔女都啱
昨日郭可盈與溫碧霞出席「中凱曼荼園藝術生活鑒賞會」的樓盤活動，郭可盈表示囡囡現時9個月大，問到會否再追多個？她坦言：「有計劃，希望隔兩三年再生第二個，咁樣大女有能力照顧細佬妹，溝通都好啲，依家唔使咁快。（會唔會有生仔壓力？）我冇，就算再生女都冇所謂，性別唔重要，性格先重要。」
對於四叔李兆基的兒子李家傑找代母產子，可盈稱感到驚訝，但就恭喜四叔，她笑言：「佢一直都好恨生男孫，今次一次過有三個。（引來外界好多批評。）視乎個人需要，最緊要自己開心同小朋友健康。」
至於早前剛領養了一名小朋友的溫碧霞則直言不能接受代母，但又怕生育，故才選擇領養。談到買樓，她稱在峇里島正興建樓房，因為她喜歡陽光與海灘。