時間錦囊：馬賽人生轉捩點
港姐出身的馬賽，參選港姐對她來說是一個很關鍵的轉捩點，除此之外還有影響她成長及性格的四大時期。
十八般武藝
「我仲好記得4歲讀緊幼稚園時，媽咪已經逼我學好多嘢，電子琴、畫畫、體操等等，媽咪會好嚴厲咁鬧我，佢平時係唔會架！不過佢都畀咗好多選擇我，我都鍾意學嘅，但有啲辛苦，到大個咗都有用囉。」
夢想誕生
「小時候我好百厭，試過跟啲表哥周圍玩跌親塊面，因直接落地半邊面爛晒，要休學一排，喺嗰時我愛上咗睇趙雅芝嘅《白蛇傳》，嗰時就立志：如果做到演員就好啦！到我喺深圳唸高二嗰年第一次演舞台劇《梁山伯與祝英台》，仲攞埋最佳女主角，之後喺香港讀大學都有演舞台劇。」
參選港姐
「嗰年暑假我契媽提名另一個女仔參選港姐，話不如提名埋我，我覺得自己唔得同佢拗咗好耐，但最後我都應承咗，因為我讀有關電視電影嘅，我覺得可以參與TVB最大嘅節目可以學到好多嘢，就當係實習或者玩吓，點知拎到獎，真係覺得好唔真實！」
處女拍劇
「我第一套劇就係《女王辦公室》，我真係好鍾意演戲，但到咗片場時真係咩都矇查查咁，好多謝阿姐汪明荃，佢教咗我好多嘢，我都學到做戲應該要點樣去表達，亦因為咁，我終於實現到細個嘅夢想。」
