中巴無意慰問:唔使我關心

崔建邦前女友、有中巴之稱的模特兒鄺敏慧,對於舊愛涉酒後駕駛,她回覆電話時說:「吓,咁唔好彩,應該要小心啲,希望佢冇事啦。」

中巴指娛樂圈壓力大,而且難免有應酬和消遣,在她印象中,崔建邦飲酒會適可而止,她說:「有時佢早知道去飲酒,專登唔揸車,寧願坐的士,唔知點解今次咁唔小心。(佢有冇試過飲酒後失態?)一次半次梗有。(以前佢有冇飲醉後對你有異常行為?)係以前嘅嘢,過咗去,唔想再講,最緊要佢冇事。(打電話慰問佢?)唔會啦,近排比較忙,佢大把朋友,唔使我關心。」