諸葛拍拖更男友體貼甩底
模特兒諸葛梓岐與Neway太子爺男友薛嘉麟感情如膠似漆，原本昨日兩人會拍拖出席活動，惟薛嘉麟最終甩底，諸葛冧爆表示男友擔心他在場會令她感害羞，故寧願缺席。
昨日在沙田馬場舉行「莎莎婦女銀袋日」呈獻的「霓裳雪影‧魅力綻放」時裝騷，由多位模特兒包括諸葛梓岐、貝安琪、姚予晴及台模瑞莎擔綱演出，同場嘉賓有賭王何鴻燊四太梁安琪、許世勳夫婦及兒子許晉亨等，原本薛嘉麟為大會嘉賓，但最終唔見影，諸葛說：「因為佢驚我怕醜，唔想成為閃（被拍攝）嗰個。（你今日好性感？）之前冇試身，size貼身啲，身材OK，都撐得住。（之前講過30歲前不能整容和穿耳會破相，係咪30歲後先整？）你覺得我唔夠靚咩？自己就好滿意，將來結婚後先會穿耳窿。」她說男友以前亦有養馬，正與朋友計劃買幾匹馬作投資，自言有少許賭運，不過昨日工作在身，未有投注買馬，笑言未知會否帶旺身邊人，但至少不會成為別人剋星。
賭王勤練習講辭
另外，賭王四太梁安琪表示前晚與何生吃晚飯，故沒有看孻女何超欣的小提琴演出，指女兒很明白事理。對於超欣被指因拍拖不准往外國升學，四太說：「乜事都冇發生，係傳媒寫，係何生覺得佢仲細，想等佢小學畢業先去外國，何生又唔捨得，個女好乖，好聽話留喺度。」何生本周六將親身接受大紫荊勳章，四太透露何生很期待出席，每日加緊練習講辭，問到送甚麼給何生，四太甜爆說：「我咪係禮物。」
Ana R.過監製癮
而李嘉欣夫婿許晉亨昨偕父母現身馬場，雖然懷孕的李嘉欣未有現身，但已帶旺老爺和奶奶，許世勳伉儷名下的「讚惑」昨跑第一。
是次時裝騷由女模Ana R.擔任監製，首次擔任此職的她大感過癮，揚言希望作新嘗試，但未有計劃退休，除非結婚，但現時連男友也沒有的她，估計退休計劃短期內難以實現。
文：名人組