佘詩曼賣樓賺大筆
今屆視后熱門佘詩曼昨日於香港萬豪酒店出席內地樓盤發布會，被問到是否懂得投資時，阿佘表示：「我淨係識買樓，覺得穩陣啲。（有幾多層喺手？）依家樓價高賣晒。（賺好多？）ＯＫ啦！可觀！」記者問她是否找個好老公較買樓穩陣時，阿佘表示買樓穩陣一些，因為人會變而樓則不會。問到阿佘會否打算在內地置業？她說：「都有諗過，我尋晚（即前晚）先喺廣州拍完廣告返嚟，上面環境真係好好。」
阿佘又謂台慶及頒獎禮當晚不會在港，因要到內地無錫拍攝劇集，她說：「我十一月中就要上去喇，簽咗七十日畀佢哋，所以主動權唔喺我度，到時睇下放唔放人。」