糖妹牛一汪東城越洋送帽
創作組合糖兄妹的糖妹前日生日，唱片公司昨日為她舉行生日會及寫真EP《Love Memory》發布會，好友羽翹、陳嘉寶及何思諺等到場賀壽，師兄汪東城越洋送上帽及T-Shirt，而伍佰亦答應為糖妹拍照作生日禮物。糖妹透露新碟會到台灣拍攝：「雖然我哋唔知道製作費係幾多，但係好開心有好大參與部分，遲啲我哋仲會出有十七首歌嘅大碟呢！」
至於她的生日願望就是新碟大賣，亦希望成功約到暗戀對象吃飯，問她是否圈中人？糖妹謂：「佢未入行o架，我都唔知有冇機會，睇下佢肯唔肯同我食飯先啦！」羽翹透露早前去「啪骨」，因尾龍骨歪到睡不了：「依家好番好多啦，其實我仲大細面，所以又順便去啪埋囉！」