白歆惠知驚三招防透視

昨晚白白聯同呂慧儀、諸葛梓岐、Amanda S.、林莉、台模瑞莎及鄭嘉穎緋聞女友徐靖雯為意大利鞋履品鞋Giuseppe Zanotti Design行騷，當中以呂慧儀的谷胸裝最性感，風頭蓋過一眾專業模特兒。

雖然如此，白白的「透視照」新聞依然成為焦點，她以恐怖來形容今次事件：「我冇上網站睇過，但我有拜託傳媒朋友幫我睇，以攝影師嘅專業眼光，佢哋話啲相應該唔係真，令我放心唔少。」事後，白白已即時向專家請教，對方教她三招防範，她公開秘方：「要着棉質、深色內衣以及乳貼，我今日樣樣做齊。其實今日着tube dress做嘢都有啲驚，但係有時候服裝冇得選擇。」

白歆惠得專業攝影師指出網照是造假，即大為放心。

瑞莎為大會表演跳舞，婀娜多姿。

極力維護劈腿男友

另外，白白日前自爆籃球員男友毛加恩曾劈腿，其父有次喝醉酒後氣得揚言要殺了對方。已經與男友和好如初的白白則極力維護男友：「劈腿唔係一個人嘅問題，係兩個人嘅事，可能係我工作太忙，如果將責任推晒一個人身上，咁就太唔公平。（爸爸有冇叫你小心？）只要我鍾意，佢都會鍾意。（如果男友再劈腿，仲會唔會原諒佢？）不會，每個人都有機會，但機會唔可以濫用，要好好珍惜。」

Amanda S.（右）與諸葛梓岐同為大會示範鞋履。

林莉全場最密實，卻不認為是輸蝕。

港男事件後多工作

至於搶盡風頭的呂慧儀否認自己搶鏡，她稱服裝由大會安排，並已做足安全措施，但她笑言一定不會脫下外套，問她是否因港男事件，而不敢太性感？她笑說：「唔關事，經過嗰晚之後，我反而多咗工作。（你咁性感，唔怕畀人用紅外線偷拍？）我有幾層打底，連外套有四層，應該穿唔過啩！」

文：名人組