王賢誌破冰受訪搭路返無綫
三年前不滿總經理陳志雲偏袒崔建邦、鄧健泓等愛將，王賢誌（Vinci）毅然離開工作了十多年的無綫，除搞生意外，亦以自由身身份効力亞視及有線。估不到三年後陳志雲已不在其位，Vinci亦以嘉賓身份重返將軍澳電視廣播城接受好友陳芷菁的《今日VIP》訪問。
唔諗過去
問到Vinci重臨舊地而人事有變，是否很感觸？他說：「證明呢個世界係圓嘅，冇嘢係絕對，正如當年芷菁去過亞視再返無綫，佢第一個訪問就係我做，（仲有冇怨恨？）過咗去嘅嘢唔需要諗番轉頭，人應該向前望，唔應該後悔，人生係要有轉變。」Vinci認為當日在無綫埋首工作，忽略了其他人生重要的事物，有轉變也是好事。
感情深厚
至於會否再簽約做無綫藝員？Vinci坦言：「咁一定有興趣，我一直有自由身接司儀工作，（志雲唔喺度返嚟有轉機？）好多因素嘅，呢幾年睇嘢又唔同咗，但對無綫確實有深感情，總之隨緣啦。」
文：影視組