衞詩自比夏娃：唔會再曳

本報昨日率先報道衞詩（Jill）獲老闆黎明「放生」復出接拍福音電影《翻生奇兵》，昨日《翻》片演員如Jill、陳敏之、森美、劉以達及鄭子誠等，假挪亞方舟舉行記者會，眾演員分別以保安員、少女慈禧、太空人及羅馬士兵等造型示人，而Jill的「伊甸娃娃」身穿斜膊紗裙、頭戴花環，還捧着綠色小蜥蜴，雖然Jill的身形較圓潤，但精神尚算不錯。由於大部分演員是基督徒，故活動前由導演帶領祈禱。

戒夜蒲主動抓撈

今次是Jill年半前發生藏毒事件以來首次復工，她透露是電影公司邀她演出，然後由自己跟公司去洽談，她說：「係一個好開始，（正式『翻生』？）係God令我翻生！（要黎明點頭先可以翻生？）係呀，好開心，公司畀我做呢份工作係好大福氣！（之後繼續有工作？）好想呀，一步一步嚟！」Jill又指角色「伊甸娃娃」即是夏娃，對於夏娃是受到引誘才做錯事，她承認：「係囉，每人犯過一啲罪，神會令你所有罪洗晒！」

Jill表示跟黎明仍有經理人合約，她希望做好自己畀信心公司：「唔會再曳！（夜蒲？）冇啦，平時都係返教會，總之就做好自己啲嘢！」她承認跟經理人陳善之見面是希望繼這部戲後再有一些計劃，不過她不會現身家姐衞蘭的個唱舞台：「唔想外界將焦點放喺我度，父母都會捧家姐場。」

文：音樂組