火炬基high爆狂叫互動抵倦意
古巨基繼08奧運時任香港區火炬手後，昨日以首天傳遞聖火的唯一香港演藝界代表身份，再為廣州亞運會傳遞聖火，冧莊成「雙料火炬手」的他，更被群眾封為「火炬基」。
基仔昨日出席假廣東省內首站中山市舉行的「第16屆亞運會火炬傳遞聖火儀式」，今次共有80名火炬手，而基仔則是第73位接棒者，其他的火炬手分別為商界代表及運動員，包括有霍啟剛及束上馬尾的大陸歌手周筆暢等。
以礦泉水樽練習
基仔為迎接這項神聖任務，清晨8時已整裝待發，和其他79位火炬手乘坐兩旅遊巴向交接地點進發。基仔雖有傳聖火經驗，但仍緊張失眠，幸好與一眾火炬手到達傳遞火炬現場時，高漲氣氛令疲態全消，加上車內有三名火炬手在這大日子生日，眾人齊高唱不同語言的生日歌來慶祝，歡笑聲令緊張的氣氛降溫。基仔稱各火炬手為求做到最好，不時以礦泉水樽來練習接火炬的姿勢。
同現場市民互動
基仔又透露整個中山市群情洶湧，他甫到交接區時即被圍觀者呼喊做「火炬基」。基仔憶述雖然傳聖火僅得分幾鐘時間，但受現場high爆氣氛影響，在他等接聖火時，已興奮得不自覺地「蹦蹦跳」，他說：「真係興奮到跳起畀啲圍觀市民影相，最high係跑嘅時候，我叫一下，身邊啲市民又跟你嗌，好互動，之前同班火炬手商議過，交接後就做擊掌同互相擁抱，我做齊晒！」基仔又說將會訂造一個箱，將兩支火炬擺放在一起。
另外，基仔又說睇報紙才知道「陳蔡戀」，大讚兩人事前保密工夫做到足，他又表示不覺得驚訝，看見蔡卓妍在機場面露幸福笑容也戥好友開心。
文：音樂組