周秀娜床戰蕭敬騰
周秀娜將撇低男友到台灣與蕭敬騰發展一段密切關係，原來她是跟對方在新片中合作，飾演女殺手除有打戲外，也有不少枕頭戲份，笑言到時兩人可以身體語言來溝通。
周秀娜（Chrissie）昨日聯同兩位師妹，新八模成員的Jeana和Suki一起出席時裝品牌JOYRICH活動，同場還有品牌首席時裝設計師Leah Schmidt，雖然她收起性感，但以一身豹紋打扮上陣依然野性十足。
問到Chrissie可有留意剛出爐的施政報告，她說：「我今日成日都要工作，未有時間睇同了解。（會規定樓價要以實用面積嚟計算喎。）咁咪好囉，唔會呃秤。（儲夠錢買樓未？）儲緊首期，其實錢都夠嘅，不過未係時候買住。（樓價高到唔合理？）依家都係覺得貴咗。（有無同男友一起儲錢買樓？）無，我諗住自己買畀屋企人住嘅。」
扮演女殺手
Chrissie又自爆將與曾志偉以及蕭敬騰結片緣：「我遲啲會去台灣拍戲，同曾志偉及蕭敬騰合作，我做一個女殺手。（係咪變態o架？）唔係，要打嘅。」她笑言稍後到澳洲捽碟，到時可找袋鼠來訓練武功。至於可會有性感演出，她說：「會同蕭敬騰有啲好密切嘅關係。（淨係有關係無感情？）總之好密切。我唔係女主角。（同蕭敬騰係打戲多定枕頭戲多？）其實兩樣都多。（你啲國語掂唔掂o架？）都OK o架，之前有去過台灣工作，我會努力學。（你同蕭敬騰用Body language溝通？）Body language我都OK o架。」
文：名人組