阿Sa護愛苗 唔理Baby點睇
「陳蔡戀」高度承認戀情後，女主角蔡卓妍（阿Sa）奮勇護愛苗，又認為自己覺得幸福就足夠，毋須理會其他人的看法。
阿Sa昨日出席其新碟發布會，講到「陳蔡戀」做了多本雜誌封面，當中包括指兩人「蜜」租私竇，阿Sa說：「要講都講晒，同William公開咗，有心理準備面對流言。」
對於William舊愛Angelababy在微博留言，質疑「陳蔡戀」不止三個月，阿Sa就言有查看Baby的微博，她說：「我有睇過，但睇唔到。（佢火速刪咗？）我有問William，佢唔相信Baby咁做。」
吸收經驗
至於有指連Sa爸都不知二人拍拖，阿Sa說：「爸爸好幫我哋，唔會同記者講呢啲。我哋係一棵小幼苗，唔多時間見，畀時間、空間我哋培養，交畀個天，選擇公開都係想好似平常人咁拍拖，所有嘢用時間去證明。（後悔公開？）一定有壓力，吸收上一次經驗，唔講又唔係咁好，今次試吓講啦。」
否認整容
另外，阿Sa與Baby的fans掀起罵戰，阿Sa希望各人fans不要太激動，至於見到Baby會否尷尬？她說：「唔知，唔會啩。（關係亂？）今日係新碟發布會，同主打歌一樣，我都係希望《簡簡單單》，外人點睇唔理，總之開心同幸福係自己嘅。」
有報道指他們有情侶下巴，阿Sa說：「吓，即係話我哋襯？（整容呀。）我只注重美容，唔會整容。」
文：音樂組