Alan護富家女被捕 陷三角疑情

Sally與Alan昨日接受查小欣電台節目訪問，問她與吳先生的關係，Sally兩次否認：「絕對唔係我未婚夫，我亦唔知點解佢咁講。」更以「前度男友」形容對方，不過卻以三次「好朋友」來形容與Alan的關係。她指與吳先生已分手好幾個月，而且是和平分手，亦「Keep住冇乜點聯絡」，但事發當晚，Sally承認與吳先生食晚飯，她再度強調：「係朋友式嘅食飯囉！」

錄口供身心俱疲

然而現場被吳先生掟爛的法國紅酒「La fleur de Bouard 2000」上的招紙，令這頓「朋友式食飯」出現疑點，因招紙上寫着「Happy Birthday To 老公」，下款是「Love Sally」，日期正正是事發當晚（12日），這個無聲的證物，將Sally與吳先生的關係完全曝光。

價值約四百五十元的紅酒，樽上招紙揭出疑點。

前晚11:30am 現場男子報警，Alan接受到場警員盤問。

至於Alan似乎對Sally與吳先生的關係不知情，坦言當時只想保護友人。昨晨十時四十五分，Alan與四名隊友先後現身機場，雖然倦容滿面，但Alan亦大方接受本報獨家訪問，對於被指爭女，他直言：「同報章上講嘅好唔同，當時女事主係受少少威脅，作為朋友甚至途人都應該保護個女仔。因為佢（吳先生）開我車門拖個女仔出嚟，當時我都非常愕然，諗唔到可以做咩，覺得一定要落車推開佢。（知唔知個女仔同個男人嘅關係？）我唔知情，亦唔理佢哋感情上有咩瓜葛，無論點都要以個女仔嘅安全為先。」

昨日5:30am 於九龍城警署錄完口供後，Alan准以五百元保釋候查。	昨日6:30am Alan拖着疲乏身軀，返回薄扶林寓所。	Sally家住九龍塘市值逾億元的獨立屋。

問他會否感到幫朋友惹禍？Alan認為清者自清，亦不認為要與對方和解：「我覺得我冇做錯，我唔識嗰個人，我當時見佢情緒咁激動都想報警，但係原來佢已經報咗警，仲告番我傷人添！」Alan指現時的工作未有受影響，他亦沒有控告任何人：「因為我覺得唔係好大件事，冇任何受傷亦冇任何毆鬥。」他直指事件很荒謬，而Sally已向他道歉：「作為男仔我覺得唔緊要，某啲人要咁激動做不負責任嘅行為，我都冇辦法。」他強調與Sally只認識兩、三個月，經由朋友介紹認識，又坦承身心疲倦：「因為錄口供要好清楚，我都好明白，都好多謝警方好認真咁處理呢件事。」問其他隊友是否瞓身撐Alan？成員Dash謂：「唔係撐唔撐，佢根本冇錯，我哋都好放心！」

五百元保釋外出

前晚Alan被警方邀請到九龍城警署協助調查至昨晨五時半才離開，唱片公司高層、隊友Dash及Tom亦有到場了解，Alan其後返回薄扶林置富花園寓所。警方發言人證實，Alan被拘捕暫准以五百元保釋候查，今年十一月初需要向警方報到，案件列作普通襲擊。Alan則透過微博向各界報平安：「非常感謝各界朋友及傳媒的關心！請大家不用擔心！謝謝！」記者欲向Alan查問Sally與吳先生的「離奇」關係，Alan透過SMS回覆指招紙上的字，應不是Sally所寫。

Alan profile

中文名：布志綸

出生日期：1980年2月29日

家庭成員：父母及妹妹

學歷：加拿大Mcmaster大學經濟系一年級

簡歷：16歲到加拿大留學，四年後因父失業返港工作幫補家計，合組樂隊White Noise，之後改名Mr.，去年憑《如果我是陳奕迅》一炮而紅。

是非：今年五月網上流傳Alan夜蒲攬女相，之後他表示相中女子都已婚，並向對方老公道歉。

文：音樂組、追蹤組