千嬅婦唱夫隨丁子高標汗

楊千嬅一連五場紅館演唱會前晚圓滿結束，整晚高潮乃大會精心安排的「婦唱夫隨」一幕。千嬅獻唱《真命天子》時，大螢幕首播丁子高的靚仔相，到她唱《飛女正傳》時，見老公丁子高上台時即露甜笑，兩人在台上攬抱、錫面、手拖手，情深對唱四分幾鐘後齊落台。當千嬅再出場時，笑不攏嘴的她問觀眾：「頭先係咪好得人驚呢？我步入人生另一階段，要帶佢正式見你哋（歌迷）。」丁子高表演後，換上便服坐在VIP席繼續撐老婆場。
楊千嬅、丁子高「夫妻合璧」，天下無敵。
楊千嬅、丁子高「夫妻合璧」，天下無敵。

避老公咀嘴

另外，前晚還有許志安及譚詠麟任嘉賓，當中阿倫送上「一索得男」竹籤，指千嬅：「做得善事多，個天畀好嘢你。」千嬅透露丁、楊兩家齊人捧場，其他捧場者有汪明荃、鄭裕玲、余文樂及鄭融等。演唱會尾聲時，千嬅更瞓在舞台上流下不捨之淚。

而千嬅接受訪問時稱開騷前𠝹損手指公，因此遲了開騷。另她謂開騷前一星期才氹掂老公上台，大爆老公瘀事：「佢好緊張，手濕晒，好大汗，佢唔係望住我，係望住個電視呀，（你哋冇咀喎？）有，不過我避開之嘛，要拍高清呀，我怕整花個嘴。」

丁子高緊抱千嬅想咀嘴，可惜老婆貪靚而避開。
  • 丁子高緊抱千嬅想咀嘴，可惜老婆貪靚而避開。
千嬅喪喊和過萬觀眾揮手講再見。
  • 千嬅喪喊和過萬觀眾揮手講再見。

文：音樂組

譚詠麟有份任千嬅個唱嘉賓。
  • 譚詠麟有份任千嬅個唱嘉賓。
千嬅開騷前(界)損手指公，丁子高肯定心痛。
  • 千嬅開騷前(界)損手指公，丁子高肯定心痛。