城城慶牛一預埋阿Lynn

將於3D電影《大鬧天宮》中飾演靚仔版牛魔王的城城，首次與周潤發、甄子丹合作，並與台灣女星陳喬恩飾演一對，對於有報道指城城片酬較發哥及甄子丹低，他說：「都唔準啦，（你唔止800萬？）呢個唔講喇，每人唔同階段都有佢嘅價值，最重要係我鍾意個角色，同埋係個新挑戰。」另外，城城透露正忙於準備入行20年的紀念大碟，當中更有他的作品。

此外，城城緋聞女友熊黛林（Lynn）剛於日前生日，問到他有何表示？城城只以「唔發表」回應所有有關Lynn的提問，而將於本月26日生日的他透露有否慶祝活動，要視乎錄音進度，他說：「好多朋友都叫我一定要預留時間同佢哋慶祝，（同最愛？）我媽咪？我都想同媽咪過！」至於是否「兩女一男」組合（指城城媽媽及Lynn）慶祝？城城就只笑着點頭。