湯告魯斯日前拍攝《職業特工隊4》一場動作戲份，年近五十的他，赤裸上身吊威吔跳樓，身手與年輕人一樣靈活，而且身材仍然Fit爆，六塊腹肌！
靚佬湯日前於捷克首都布拉格拍攝《職4》，為一場動作戲份親身上陣。靚佬湯雖然已經四十八歲，但他脫剩一條深綠色長褲後，露出上身的健壯胸肌、六塊腹肌與手瓜，未見一分豬腩肉，保養十分得宜。過往靚佬湯在電影也不乏剝衫鏡頭，從《乖仔也瘋狂》、《大開眼戒》到《魂離情外天》也大晒肌肉。
在褲子上綁住威吔的靚佬湯，在拍攝前先彎腰做熱身運動。正式開機時，靚佬湯從一間大廈的三樓跳出去，在大廈與大廈之間的繩索以扶手凌空滑行，然後半空一個鯉魚翻身，降落一架正在移動的貨車車頂上，着陸時還打一個觔斗，身手非常敏捷。完成拍攝後，靚佬湯在車頂上穿回外套，並向圍觀的fans微笑揮手，貫徹親民作風。
靚佬湯曾於訪問中表示喜歡親身上陣拍攝動作場面，因為可以令觀眾看得更刺激，既有挑戰性又好玩。另外，於《職3》飾演靚佬湯隊友的Maggie Q將會回歸，加上《拆彈雄心》男星Jeremy Renner加盟，相信會擦出不少火花。《職4》其後將於杜拜與溫哥華取景，最後回到洛杉磯埋尾。
文：外娛組