朱茵自爆偷情心得

時至今日，朱茵依然是宅男們的幻想對象，天使面孔加上魔鬼身材，她，彷彿就是集體回憶。事隔多年，朱茵重踏舞台演出《瘋狂夜宴搞偷情》，如此明目張膽玩偷情，相信連男友黃貫中（Paul）都一定睇到眼擎擎。接受ontv《娛樂onShow》主持人俞詠文訪問時，朱茵更毫不保留大講對偷情的睇法，兩個女人一個墟，在酒店內無所不談。

酒店環境較有利

身處酒店房內，朱茵毫不忌諱坦言酒店偷情比較有利：「真係方便啲同易清潔，又有Room Service，唔使收拾現場，方便啲懶惰人士，冇咁易被撞破。」談到若然另一半偷情會否特別容易感受到，她斬釘截鐵說：「真係會感受到o架，因為人去到某一個地方，氣氛感受係會唔同，可能係格局同磁場問題，只要對方有做虧心事，另一半就一定會知，無論男或女都係一樣。」如此一說，Paul定必要銘記於心，安守本分。

在酒店床上受訪的朱茵，笑言若另一半做過虧心事，她一定會知。

黃貫中與朱茵在圈中早已是公認的一對。（資料圖片）

梳化上演激情戲

不過，朱茵卻會在舞台劇中性感大解放，一於豁出去：「講明偷情，就一定會性感啦，今次我哋仲會搞睡衣派對，我劇中件睡衣都好得，喱士加透明肉色，好有復古feel，到時唔排除學狄娜姐姐騷腿，仲會喺梳化搞埋，你知啦，唔一定喺床嘛！」

文：專案組