Kim Gorden自然風光注入Sportmax

Kim Gorden與Sportmax是次合作的計劃名為Carte Blanche，Gorden設計了三件每件全球限量800件的新裝，該三件注有編碼的新裝，除了在紐約及意大利的Sportmax店有上架外，在香港亦於今日上架，新裝的pattern全由Gorden親自設計繪畫，她說：「我嘅靈感係來自大自然，喚醒大家對大自然嘅關注！靈感亦來自我住嘅地方Northampton，嗰度嘅大樹好靚，仲有好靚嘅河流！構思用咗幾星期！」

推三件限量作品

而三件限量作品的剪裁及設計，亦流露了Gorden搖滾音樂的風格，不過她說：「我唔係刻意將Rock嘅元素滲入，呢啲只係我繪畫嘅風格，正如每個人都有獨特個性！」

另Gorden早被音樂界封為Post Punk Goddess，不過她的才華何止音樂，涉獵範圍之多可謂多不勝數，自己亦擁有時裝品牌X-Girl，亦有出書寫作，不過她就指暫無興趣為自己出傳記，她說：「寫自己真係唔會啦！有乜好寫呢？之前出嘅書都只係一啲圖文集。」

店內展示了Gorden為計劃拍的型仔形象照。	Sportmax是次為Carte Blanche計劃舉行展覽，亦順道展示秋冬新裝。	放大圖片
放大圖片	除了時裝外，鞋履及手袋也是Sportmax的強項。	放大圖片

對香港印象深刻

最後Gorden亦透露來年大計，她說：「準備返去做音樂錄歌，不過最快應該係明年先有新作畀大家，近日我自己有新嘅藝術計劃，準備造一啲抽象雕塑！」

至於Sonic Youth會否再來港開演唱會會知音？她說：「你都知道，我廿幾歲、七十年代時住過香港，到依家對香港仍然好懷念，好多人同事都令人難忘！我仲記得中環！而我幾年前都去過香港拍過一部獨立電影，入面有香港演員o架！不過都係客串性質，係一部你哋認為怪雞嘅電影！其實演唱會好多年響香港開咗一次，不過其他成員都好忙！大家要度一度時間！」

80年代紅透美國

Kim Gorden是80年代美國獨立音樂界的傳奇樂隊Sonic Youth成員，亦是樂隊結他手Thurston Moore妻子，Sonic Youth 80年代將獨立音樂成功打入主流，當年亦引薦傳奇樂隊Nirvana打入主流音樂，成為Nirvana的伯樂，他們的音樂對80至90年代的獨立音樂界影響深遠，Gorden亦憑個人名義打入「100 Great Women of Rock n Roll」，更被封為Post Punk Goddess。

採訪：Gene Ng

攝影：林蔚恩

地點：Sportmax（紐約Soho店）