陳自瑤生女愛撒嬌

藝人陳自瑤（YoYo）在出席BB大賽活動時表示喜歡小朋友，又透露她身邊友人亦逐一結婚生小孩，被問及可會心郁郁生BB？她就怕醜回應：「咁我連婚都未結，點生BB喎！（結咗婚先囉？）我諗都會係三、五年之後嘅事。」而對於與男友王浩信的感情時，YoYo則支吾以對：「都係咁啦……（佢係結婚對象？）隨緣啦，呢啲嘢都講唔埋o架嘛。」她又表示現時正為事業衝刺，但一旦結婚生小孩後，就會把重心放在家庭。YoYo更一臉甜蜜的表示比較喜歡BB女，因為女孩子比較嗲及窩心！