羅力威感激歌迷送三心
羅力威（Adason）的新碟一直只聞樓梯響，他表示首次出碟難免緊張，寧願慢工出細貨：「其實啲歌基本上已經準備好晒，係諗緊用咩方法騷出嚟，留深刻印象畀大家。作曲方面唔難，反而要維持成隻碟嘅完整性難啲，整體效果最重要。」
身為《亞洲星光大道》第一屆冠軍的Adason，對第二、三屆的參賽者亦有留意，其中他特別欣賞今屆的參賽者楊麗珊：「佢好有美國人嘅靈魂，今屆好豐富好好睇，參賽者之間冇乜距離，好親近！」
早前他與粉絲一起成立了國際歌迷會，對裝修亦有認真的畀意見，他說：「入面會擺fans送畀我好珍貴嘅禮物，佢哋支持我到今日，給我三個心，係安心、放心同窩心，有班咁好嘅fans安排一切，真係好幸運！」