區文詩再衝刺結婚拖住

區文詩日前以個人姿態推出專輯《Angelicious》，獲公司力捧為她拍攝五個封套。由當年被拋棄的Cookies成員搖身一變成力捧對象，Angela坦言感壓力：「Cookies年代有好多人分擔，依家焦點集中喺自己身上，要一個人承受壓力。」由於市道低迷，問到擔不擔心新碟銷量？Angela說：「好多嘢可遇不可求，雖然等咗八年，但總算等到吖，銷量嘅嘢控制唔到。」

結婚留待三十後

現年廿七歲的Angela笑言快步入「中女」階段，她說：「過多兩、三年已經係『中女』，所以要好好珍惜出碟嘅機會。」Angela承認當年被Out感不快，她說：「一定難受，個個都好努力做到獨當一面，點知……。（有冇諗過唔再做呢行？）冇，之後加入電台做主持，我覺得自己好幸運同幸福。」

問到模特兒男友鈴木仁有否買碟支持？她說：「佢話買齊五個款囉，反而媽咪好緊張，一早已經話要掃貨。」Angela透露現時是搏殺搵錢黃金時間，故將結婚念頭推到三十歲後，問到擔不擔心男友等不到？Angela說：「既來之、則安之。」

Angela對當年被out雖感難受，但決心在娛圈發展。

趁勢搏殺的Angela表示三十後才打算結婚。