林司敏未瞓醒撞瘀眼
江若琳師妹林司敏（Ciwi）原來性格十分烏龍，早前更遇撼門意外，令眼皮瘀了一大撻！日前她一早到髮型屋set頭，架上無鏡片黑框眼鏡的她，因未瞓醒，到達門外時竟一頭撞向透明玻璃門，黑框眼鏡即時「斷臂」，她說：「好痛o架！估唔到塊玻璃抹得咁乾淨，好彩冇人見到咋！其實當日眼皮都有少少腫，到第二日仲瘀咗一大撻，似足被人虐打完咁！出街都要戴黑超！」
問到Ciwi有否搽藥膏？她說：「我唔敢亂搽嘢呀！朋友叫我睇跌打我都唔敢！」至於問到好友如江若琳等有否安慰她？Ciwi說：「佢有問我有冇事，不過多數朋友都係笑我烏龍，仲問我有冇撞爛塊玻璃添！」
