Mandy Lieu抗拒男女同浴
模特兒Mandy Lieu、林莉及諸葛梓岐昨日為秋冬時裝展行騷，雖然包到實一實行貓步，但仍不失美態。Mandy透露將到日本拍電視特輯：「今晚（即昨晚）會去北海道，（擔心安全？）我哋嘅攝製隊好安全。我未試過浸溫泉，所以好期待！（男女同浴？）應該會安排我有私人浴池，我未試過男女同浴，未接受到。」
而林莉月內將到父母定情之地海南島行騷，工作後順道遊玩，更笑言希望遇到白馬王子：「嗰度啲男仔應該都幾陽光同大隻，自己都鍾意陽光開朗型，（鍾意肌肉男？）最緊要着衫好睇，同埋有安全感。」