江若琳楊丞琳大眼夠嚇人

一向擅拍鬼片的彭氏兄弟，最近將近年大熱的3D技術加入新作《3D童眼》中，務求令觀眾猶如置身迷離世界。彭順表示拍攝前已預計技術上甚有難度，除了要做大量準備工作外，攝製時間比一般電影要花多幾倍，每擺一個鏡頭都需要四十五分鐘，一天只能拍幾個鏡頭，又要花時間做後期製作，故甚考工夫及時間。他笑言最難以應付的，竟是片中能見鬼的「通靈犬」：「隻狗真係好有性格，拍得夜啲就冇晒精神，餵得飽得滯又想瞓。」

擺脫可愛形象

今次彭氏兄弟再起用「愛將」江若琳及台灣紅星楊丞琳，原來全因兩人眼睛夠大。彭發說：「佢哋對眼夠精靈，被嚇嗰陣對眼都會大啲。」江若琳在片中有多場甚有發揮的戲份，包括鬼上身及被嚇暈等。彭發說：「佢放低咗可愛形象，其實佢可以試唔同嘅嘢。至於楊丞琳就係基於市場考慮，我哋想搵個唔係香港人嘅人氣女星。」

抗拒拍色情片

兩兄弟對新作充滿信心，因觀眾必須入場才能感受立體效果。提到未來大計，兩人表示下一部戲不會拍鬼片，但強調拒拍3D色情片。彭發說：「唔拍！一係自己落場！」

此外，彭順與李心潔已結婚逾半年，他表示兩人屬老夫老妻，故婚前及婚後的生活未有太大轉變。他謂：「整體係開心嘅，都慣晒聚少離多。（造人大計？）暫時未有。（點慶祝半周年？）都係普通食飯啦。」

文：影視組

攝：司徒國榮