陳敏之澳門搵銀袋袋平安

陳敏之早前與陳山聰、陳自瑤到澳門為高級酒吧擔任剪綵嘉賓,敏之坦言《公主嫁到》劇集為她帶來不少搵真銀機會:「今次都有五位數字,近期去澳門登台、剪綵都好幾次,(有冇去賭場賭?)冇呀,次次都來去匆匆,而且我都唔鍾意賭。」正因如此,敏之所賺的外快,都得以「袋袋平安」。

此外,敏之又透露接了部福音電影,演少女版慈禧,她相信是因為之前演勁惡的「大公主」讓人留下深刻印象,她說:「都估唔到大公主同大駙馬咁受歡迎,如果拍時裝版就好囉。」