林莉烏龍近視妹食波餅

林莉初中時代開始有近視，但不是為貪靚而不戴眼鏡，而是不敢向父母開口，因為矇查查而鬧出不少笑話。她說：「我細個好老土，父母、兄姊及弟弟都有近視，只我一個冇，我哋經常去驗眼，點知有次隔咗好耐冇去，我發現睇嘢矇矇哋，但唔敢講畀屋企人知。而我又高就坐課室最後嘅位，睇唔到黑板，要成日問同學借筆記抄。仲試過因為打排球時矇查查，又可能我反應慢，結果食唔少餅波。」

鍾情懷舊眼鏡

回想小時候，林莉指當時的眼鏡款式比較娘，不像現時的多花款。她說：「細個時戴嘅眼鏡銀色邊、金屬框，到高中就係膠框。我好極端，依家一係會揀啲好低調，一係就勁誇張。」她說之前出寫真集玩過人體彩繪，因怕痛唔敢紋身，但好鍾意花紋圖案，所以揀眼鏡都鍾情懷舊feel同花，最鍾意Ed Hardy的花，貪似紋身圖案。