泳兒做Gym狂谷唔怕胸縮

擅長唱慘情歌的泳兒，最近為全新快歌《十二個我》排舞，身形向來嬌小的泳兒，為了鍛煉體能，日前獲姓凌的靚仔教練指點做Gym技巧。泳兒做完熱身後，便分別擴胸、練背肌、提腿、舉啞鈴、練腹肌和腰側，雖然練到身水身汗，辛苦到依嘩鬼叫，但為了美好身段，泳兒仍表現落力。

日日拉筋提腿耍家

泳兒直言對腰肢最感不滿，她說：「成身最肥係條腰，唔容許有贅肉，加上我件歌衫係要露腰同腹肌，所以會重點練呢兩個部位。（戒口？）呢個更加要啦，依家戒飲凍嘢同零食，只係飲豆奶，同埋食白肉咋。」

泳兒雖然身形嬌小，但提腿功夫耍家，她說：「我柔軟度都算OK，因為呢排日日拉筋，拉到鬆晒，對跳舞有幫助。」

泳兒笑言舉完啞鈴雙手好似癱瘓。	泳兒表示重點鍛煉腹肌，務求減走肥膏。	泳兒引體上升十次八次冇難度。

靚仔教練細心指點

泳兒表示由於訓練有素，令她的肥膏減少，肌肉增多，問到是否因為獲靚仔教練細心指點，所以特別醒神？她笑稱：「哈哈﹗其實最緊要係出嚟效果。（怕唔怕瘦咗縮胸？）唔怕，因為真係細咗，媽咪都問我係咪細咗，其實我又唔係好介意，夠就OK。」至於是否轉型做跳舞歌手？泳兒說：「又唔係，想做全面歌手，今次係入行五年正式嘅快歌，不容有失。」

採訪：German 攝影：唐豁莊 場地：CeLLZ