葉翠翠四川行撩仔興奮

無綫藝人葉翠翠早前與堪輿學家李丞責到四川兩星期為無綫節目《中華福地》拍外景。節目要到各山各地找尋福地取景，翠翠每天要與工作人員行山十多小時，有時更要走數小時樓梯，累得肌肉痠痛，雙腳也長起水泡，她說：「今次係好大挑戰，自己亦有好大領悟，學識咗點樣排除萬難，既然要行，倒不如摒除雜念，努力向目標前進。多謝公司畀機會，如果再有呢類節目，都想自薦再去。」經兩周鍛煉後，翠翠笑言已擁有一對甲組腳，讓她健步如飛。

超級惹蚊

翠翠去到荒山大嶺勁惹「狂蜂浪蝶」，她笑說：「我原來超級惹蚊，雖然着咗長褲，但雙腿都傷痕纍纍，返港到依家都唔敢以短褲示人。」翠翠今次四川行還練得深厚「內功」，她表示：「好多時啲廁所都唔係咁乾淨，每次如廁都要閉氣！同埋好多時車程要成五、六個鐘，中途又冇廁所，成架車都靜晒，其實大家都喺度忍緊，等緊機會『解決』。」

拍攝現場勁多蚊，即使翠翠已穿長褲亦告中招。

翠翠在四川拍攝每日行十小時山路，練得一雙甲組腳不敢示人。 （資料圖片）

主動搭訕

至於此行最令翠翠大開眼界的竟然是美男多的是，她說：「原來四川好多靚仔！有次大夥兒去打邊爐，經理個樣十足吳彥祖，都忍唔住主動撩佢傾偈！」

採訪：影視組