法拉胸照變A片 83萬網友爭睇
性感女神陳法拉、鍾嘉欣、林嘉綺、Ana R.和熊黛林等，近日慘遭龍友炮製胸部特寫短片，並以「香港大波中心」為名放上YouTube作招徠，任宅男瀏覽，法拉聞言後甚為勞氣，並希望龍友不要太鹹濕，學懂尊重！
中港台性感女星愈來愈吃香，殊不知成為「鹹濕」龍友網上發洩對象！近日有網友以「香港大波中心」之名，把圈中性感女神出席活動的照片「截肢式」製成片段放上網任睇，照片集中胸部和美腿，陳法拉、鍾嘉欣、Ana R.、林嘉綺、吳佩慈和周倩圯等成為「受害者」，網友更對女星身材逐個評頭品足，意識不良！
望大家學懂尊重
在「香」的點擊率排行榜內，以清純形象的鍾嘉欣和陳法拉點擊率最高，近83萬人次，網友大讚法拉34C上圍，卻嘲32B鍾嘉欣是「微波爐」；排第二是台灣女星吳佩慈，共20萬點擊人次，第三名則是香港模特兒周倩圯。
「高踞榜首」的法拉對此甚為不滿，她說：「雖然唔使為呢啲嘢上心，我嘅感受只係覺得因為追查唔到源頭，網友就可以唔負責任，叫佢企出嚟就唔會啦，網上愈進步就愈多唔尊重，討論區嘅批評好多唔經大腦，希望大家唔好咁鹹濕，（點保障自己？）龍友喺二樓影落嚟大堂，冇辦法，唔通披黑布出嚟咩，嗰樣係我嘅工作，我好努力咁做一個演員，希望尊重我哋。」被嘲身材無睇頭的鍾嘉欣表示：「未睇過片段，（日後打扮小心啲？）一向都好小心喇！」
吳佩慈不聞不問
模特兒方面，身材平平的名模Ana R.亦榜上有名，昨日她穿上睡衣行騷時惹來大批龍友狂影，當她知道成為「香」其中一分子後即笑說：「我都係大？其實我唔知啲片想表達啲乜，但如果係唔好嘅嘢就唔開心！（焦點喺個胸？）唔緊要，都係我工作一部分，有人影都唔係差嘅事。」周倩圯則直斥網友變態過分，猶如被人用眼睛強姦：「好唔開心同唔舒服，好傷風敗德、好變態，同色魔冇分別，用眼嚟強姦人！好唔尊重我哋。」吳佩慈透過經理人公司說：「大眾焦點放在哪都問題不大，我又不是胸大的人，無所謂，（唔怕人色迷迷？）我不理會。」
文：專案組