栢芝以身作則教Lucas惜福
張栢芝昨日到機場出席活動，呼籲大眾關心患有白內障的病童，更捐出一百萬港元行善，她表示會教導大仔Lucas，讓他知道幸福不是必然。
身為兩子之母的張栢芝昨日以「晴彩之星」身份，到機場出席奧比斯活動，戴上帽子及身穿短褲的她，大騷纖幼美腿。現場公關表示栢芝不會接受訪問，因不想活動焦點被模糊。
有得醫盡量幫
善心爆棚的栢芝呼籲各界多關心全球失明問題，並表示會捐出一百萬港元幫助病童，問到何以被打動捐錢？她說：「我好鍾意小朋友，知道有眼疾嘅如果十歲以下做手術，康復率有85%，希望幫到佢哋！而且我爺爺嫲嫲都又聾又啞，冇得醫，所以如果啲人有得醫嘅話，就盡量幫。」她又指捐一百萬元寓意病童的手術成功率可有100%。
睇短片好感動
其後栢芝到達停機坪，戴上「白內障眼鏡」的她在醫務總監的扶持下步出眼科飛機機艙，見她一步一步行落樓梯，非常小心，事後她表示戴上眼鏡後視野「很矇」，體驗到白內障患者的苦處，她說：「只係見到啲影！好彩有人扶，希望病童多啲人幫，等佢哋條路行得順啲！」她表示在機上看到不少有關相片及短片，觸動她的慈母本性：「見到啲小朋友做手術時，父母可以隔住玻璃睇住，手術成功後，啲父母都會流出開心嘅眼淚！好感動！」
栢芝又表示會帶走眼鏡給兩個兒子，實行以活動教學形式教仔，她說：「Quintus就仲細，我會教Lucas，畀佢知呢個世界唔係咁幸福，教佢珍惜眼前一切。」
文：影視組