Lisa S.吳彥祖博B一見即做
向來幽默的名模Lisa S.在乳癌活動上大講有味笑話，透露平日老公吳彥祖常接觸她的胸部，因此可以為她檢查有否硬塊；又謂現正努力和老公練習「做運動」造人，相當露骨。
昨日Lisa S.、何志恩和梁漢文太太林文慧等一同出席「粉紅革命」關注乳癌活動，其中新婚的Lisa被問到有否好消息要宣布？她即陰陰嘴笑說：「未有呀，不過努力練習緊。（做好準備？）係呀，依家我哋要做多啲『運動』呀！」
唔係日日做運動
記者笑問Lisa是否每天都做「運動」？她大膽又露骨地說：「唔係每日，因為我哋唔係日日都見到，但當見到對方就會做囉。」問到平日有否做胸部檢查？她繼續發放有味笑彈：「我老公經常接觸我胸部，所以佢可以順便幫我檢查有冇硬塊，其實好多女仔發現有乳癌都係佢哋男友檢查到，因為男朋友係接觸最多嘅，係真o架！」
料Rosemary獲諒解
談及有否和好友Rosemary聯絡？Lisa表示有發訊息給對方：「Rosemary覆我話OK，有時間大家再聚，不過我唔想打擾佢，因為佢單case就快審，相信佢有好多事要處理。」會否認為Rosemary因此影響事業？Lisa卻否定說：「我覺得唔會囉，每個人都有錯，而且喺美國第一次犯都唔會罰好重，佢仍然係一位好model，相信香港人會接受同原諒佢。」
此外，Lisa透露剛到新加坡採訪F1賽車活動，自言F1車是世上最昂貴的車，自己亦十分享受它的速度和聲音，可惜卻冇膽落場。
文：名人組