感觸最遲嫁淚眼謝雙親
一向堅強的娥姐，全晚玩到癲，開心到笑不停口，但當她向老公Patrick獻唱《唯獨你是不可取替》，正值宣誓一刻已見眼濕濕，緊接註冊儀式，Patrick不停吞口水，志偉笑問新郎：「係咪嗒得杯落？」令到娥姐心情更加波動，直至娥姐多謝父、母親之關懷，以及自己是最遲嫁出時，孝順的娥姐終於忍不住感動落淚。
娥姐說：「多謝爸爸、媽媽，佢哋好錫我，細個時住上環，爸爸日日拖住我手，行路帶我返學、放學，由上環行到堅道……我都好錫爸爸……我係家中長女，但係最後一個嫁出去……」在旁的志偉，亦受感動而喊埋一份，場面感人。
期間志偉在台上更細說一對新人如何相識，包括新郎Patrick是癡心情長去暗戀娥姐，最後抱得美人歸。不過，Patrick畢竟很緊張，他在註冊致詞時，一開口便講錯說話，他原本想說：「我請在座各位見證……」但太緊張而講了「我錯……」，Patrick立即為自己解圍，表示自己要慢慢再講多一次。