華倩爆娥姐情史搞寸婚宴
商天娥與李偉誠共諧連理，一對新人前晚在婚宴上雖是主角，但娥姐在訓練班時的情史，卻被曾華倩和曾志偉亂爆，成為焦點，把劉青雲、吳啟華及陶大宇拖落水，唯獨得娥姐認頭的只有杜琪峯，印證才子多人愛。
前晚商天娥於君悅酒店擺婚宴，星光熠熠，到凌晨十二時半散席，新人與賓客再轉場豪飲，盡興至天光。婚宴上雖無玩新人環節，但娥姐安排無綫第十二期訓練班同學上台互爆情史，氣氛高潮迭起。台上訓練班同學中有劉嘉玲、曾華倩、劉青雲、陶大宇、吳啟華、吳君如和商天娥，而貴為主人家又是新娘的娥姐，卻逃不過被華倩和志偉大爆情史的「厄運」。
認傾慕杜琪峯
娥姐先被華倩爆她曾與台上男士拍過拖，此話一出，即令台上的青雲、大宇和啟華尷尬不已，因華倩指此事冇人知，台上眾人頓時鴉雀無聲，娥姐只好走出來打圓場，笑說：「呢啲咁嘅嘢唔好講啦！」不過，志偉卻問娥姐：「你講，你係咪傾慕杜琪峯？」向來淡定的娥姐，卻似被點中死穴，停了一停，當着老公面前直說：「係！」一個出人意表的答案，直令全場起哄歡呼，惟至截稿前未獲阿杜回覆。
被數舊愛，平日「惡晒」的娥姐雖然自我解圍，但華倩事後卻還新娘「貞節」，解釋是大家誤會了，因為娥姐當年好成熟，唔吼同班的o靚仔，而她所指曾與台上其中一位男同學拍拖的人不是娥姐，而是同期訓練班一位冇簽無綫的女同學。華倩說：「我哋玩得好開心，因為第十二期訓練班至今已飛越廿八年，講番以前趣事都停唔到，我哋仲準備三十周年會再搞大型派對，因當年我哋十二期係最後一期全職藝訓班，所以我哋好珍惜！（你不停爆人哋情史，冇人提梁朝偉嘅事咩？）冇喎，因為偉仔唔係同期！」
親解暗戀之謎
由於前晚不時有人爆料指娥姐暗戀青雲，事實終在娥姐口中解答，原來是一個美麗誤會。她說在訓練班排戲時，永遠都被安排與青雲演一對，但畢業後出來拍劇，二人總是遇不上，但二人友誼卻一直保持。
至於君如爆料亦不比華倩弱，眾人問當年邊個最靚仔，君如即撩啟華，指對方是全班最靚仔，個個女同學都鍾意他，但台上的司儀梅小惠即插嘴說：「唔係呀，大宇都好靚仔！」此時啟華和大宇都未有出聲，青雲只在旁喪笑，三名男士根本無機會插嘴。
文：影視組