超盈期待男友製造驚喜
賭王何鴻燊女兒何超盈昨天二十歲生日，出席活動時獲大會送上蛋糕祝賀。夢想畢業後創業的她透露會與男友共度生日，又自言希望收到男友的驚喜，一副戀愛大過天的甜蜜模樣。
何超盈、周慧敏及黃偉文等昨日出席「BALENCIAGA九龍海港城店開幕」，壽星女超盈獲大會即場送上生日蛋糕，逗得她笑逐顏開。超盈表示會與家人及男友慶祝，四太亦早已送上一套首飾給她，至於生日願望就希望一切順利。
與母食飯慶祝
問到賭王可有送上生日禮物？她說：「唔講得呀。（送樓畀你？）冇。（爸爸有冇咩寄語畀你？）佢想我開開心心囉。（有冇想你快啲結婚呀？）咁又冇乜特別。」問到男友可會在生日夜求婚？她聽罷即甜笑說：「唔會，不過我都未收到佢禮物。（想唔想要驚喜？）其實我自己都好緊張。（尋晚男友有冇畀birthday kiss你？）點答呀？」她又透露夢想畢業後能創業，看來有意當女強人呢。而昨晚原本答允出席的何超雲就因臨時要陪伴父親吃飯未能前來。
活動完畢，超盈即趕往上環的金潮閣，與媽咪梁安琪共進生日晚飯。超盈說：「之前爸爸同咗我食飯，佢今日唔會嚟。」雖然未有爸爸陪同過生日，但超盈見到媽咪亦即時面露歡顏，一臉感到安慰的樣子。
周慧敏拒生育
此外，同場的周慧敏（Vivian）獲大會送上價值十二萬的手袋。提到李嘉欣宣布有喜，問Vivian何時當媽媽？她笑謂：「我會恭喜佢，有BB好開心，同埋佢嘅BB一定好靚。其實我身邊好多朋友都有BB，但我唔會被呢個氣氛感染，我堅持二人世界，而且我依家係一家多口（指貓隻）。」黃偉文則穿上Gareth Pugh高跟鞋出席，問到會否挑戰「斗零踭」？他笑言：「我成二百磅，如果仲着就係挑戰物理囉！」他笑言眼見Lady GaGa平日穿衣如此「行」，令他衣着得到新的啟發。
文：名人組