李司棋亮相無綫生活台節目細談兩段失敗婚姻及患癌期間心路歷程時，提到兩次婚姻觸礁：「第一次婚姻失敗，我好心急再婚，覺得年紀大好難再覓得姻緣，加上我第二任丈夫好靚仔，又啱啱離婚，佢唔想同我同居或只做朋友，想同我結婚，於是我哋就結咗婚。（對時下『中女』、『剩女』有何忠告？）希望佢哋唔好驚、唔好亂，揀一個同自己夾唔嚟嘅人結婚，會令自己損失好多，女人要令自己變得矜貴、唔好濫，唔好做啲有損名聲嘅事，要有目標，就算搵唔到對象，都要做個快樂嘅女人。」
