楊曼莉籲fans勿將老翻當正版

有「翻版鄧麗君」之稱的大陸歌手楊曼莉,因聲音、唱腔酷似已故歌后鄧麗君,故演出機會不斷,近年她除頻頻演出以《鄧麗君金曲之夜》為主題的音樂會外,今年已是第三度出碟。楊曼莉感恩說:「喺咁嘅低迷市道,我仲有機會錄音出碟,我真係覺得自己好幸運。」不過早前楊曼莉遇上一件令她哭笑不得之事,那是大陸的翻版竟比正版唱片賣得貴,她謂:「我諗係歌迷唔知喺邊度先買到正版,見到翻版賣成五十八蚊(正版賣四十八蚊)咁貴,以為係正版才買。」為免助長奸商,她呼籲歌迷要到信譽良好的唱片舖買唱片。

另外,剛過去的暑假,楊曼莉往東京旅遊,更獲日籍男友的媽媽款待,她說:「佢老人家已經68歲,但仲好有魄力,可以揸幾個鐘頭車嚟接我去玩。」