傅穎身材羅仲謙瞭如指掌
緋聞情侶傅穎（Theresa）和羅仲謙昨晚以公主王子look出席活動，人月兩團圓；Theresa有樣冇身材眾所周知，不過羅仲謙卻大讚對方好身材，更不諱言與Theresa思想接近。
昨晚迎月夜，一班藝人到海洋公園出席活動，今天生日的Theresa穿上白色tube dress扮公主，有王子羅仲謙陪在身邊，心情勁靚，問兩人是否情侶檔工作？Theresa甜笑說：「多咗機會一齊做嘢，幾好。」
謝安琪唔使扮鬼
而羅仲謙昨午出席香薰活動，赤裸上半身打泰拳，身形fit爆，他謂擇偶對象只留意樣子，唔會留意身材，記者笑謂Theresa有樣冇身材啱晒？羅仲謙似「瞭如指掌」力撐Theresa：「佢有樣有身材。」還公開祝她生日快樂，又指兩人思想接近，唔出聲都知對方諗乜，記者叫他快些展開追求，他說：「事業剛起步，唔諗呢啲。」
此外，眾星昨晚出席海洋公園哈囉喂活動，除了謝安琪（Kay）外，眾星都扮鬼扮馬，陳豪扮吸血殭屍，HotCha扮女巫，江若琳（Elanne）只在手上畫了9隻眼配合電影《童眼》宣傳，記者指Kay地位超然唔使化妝，她解釋：「因為工作好趕，化妝好難甩，大會話化唔化都得。」
江若琳澄清緋聞
Elanne初出道時曾跟Tommy傳緋聞，有報道指Tommy暗示他們曾拍拖兩年，因自己形象唔好才忍痛分手，Elanne搖頭說：「冇睇報道，呢啲舊聞好無聊，我哋嘅關係只係同事，好耐冇聯絡。（有人博宣傳？）我控制唔到，呢行咁多人，未必係講我嘅。」
採訪：音樂組