Cat Kinki肉兔出招激喊Debby
今天是中秋節，妄攝三女Cat、Debby及Kinki扮成性感「肉」兔陪大家過節，但期間竟「同類相殘」，場面搞笑！提起往事，Debby憶起浪漫情史，Kinki則難忘因煲蠟發生意外。
妄攝女Cat（陳雅絲）、Debby（曾麗儀）及Kinki（林玲）日前相約一起預祝中秋佳節，玩燈籠時盡顯童真。為應節，三人戴上兔耳朵及尾巴扮成性感「肉」兔，當中以33C激凸兔仔Cat最搶鏡！貪玩的三女在拍攝期間不時逗玩好姊妹的兔耳，Debby突然展露其「兇殘」一面，將Kinki的耳仔摺成「一塊」，Cat更落井下石，作狀以兔仔燈籠襲擊Kinki，其後Kinki展開報復咬Debby的「耳仔」，Debby只好扮喊求饒，場面搞笑！
姊妹爭試手勢
提到最難忘的中秋節，Debby表示中四時曾被男同學以蠟燭攻勢力追，她說：「佢喺沙灘度將蠟燭圍成一個心形，中間就放咗條鏈向我示愛，當時真係好冧，仲接受咗佢。」而廚藝有番咁上下的Debby更希望可親手炮製紅豆蓉月餅，身旁的兩位姊妹即搶着落定單，Kinki說：「Debby不嬲煮嘢好食，試過食佢整嘅蒸魚，有水準o架！」
險毀容兼火警
每逢中秋，Kinki都喜歡與大批友人露營狂玩，燒烤打牌游水玩個不亦樂乎，節目豐富！她又透露兒時因曳曳，差點發生意外毀容：「小六嗰年玩煲蠟煮飯仔，仲加埋啲樹葉落去炒，搞到好大火，仲燒着咗個簷篷，好彩家人即刻淋熄啲火咋！」至於Cat每年都會與家人上天台賞月及食湯圓，但今年則要開工，故只好提前慶祝，為食的她例必狂食月餅應節，故要多吃水果消滯。
採訪：影視組 攝影：吳文聰
場地：Dream Cafe