藝人同表關心

無綫總經理陳志雲昨日出庭應訊,雖有「至愛」王喜陪伴,但其他藝人亦表示關注。

陳柏宇

我知陳生被檢控,但冇詳細睇啲新聞。(報道話陳志雲有大計幫無綫同四大唱片公司修好,但短期內復工無望,你覺得可唔可惜?)我雖然係四大唱片公司之歌手,但我擔心佢處境多過我亮唔亮相TVB,雖然我唔知計劃內情,但陳生始終係我最優先考慮。

陳豪

冇搵佢,睇新聞知,我亦都唔係52個證人其中一個。(廖碧兒劃清界線?)我唔覺得有呢件事,亦唔覺陳生有敵人,同陳生合作過嘅人都好關心、擔心佢。(怕唔怕廖碧兒畀人話現實?)唔覺,啲人誤會啫。

鄧健泓

我唔會回應,因為唔方便,希望你哋(指記者)明白!