莊思敏親熱唔使就住
隆胸後的莊思敏昨晚穿上Tube dress出席Swarovski酒會，豐滿身材盡現，她笑言：「以前都係咁着，不過嗰時冇嘢睇之嘛。（依家個胸嘅柔軟度點？）Very good，軟番晒，着咩衫都得。依家自己嘅身材就好似一個標準嘅櫥窗公仔。（咁親密行為仲使唔使就住？）一向都冇就住。」
另外，同場的林莉表示想儲錢買樓，她的目標是逾千呎單位，預算五百萬，心水地區是港島區，她說：「不過爹哋媽咪住開青衣唔想搬，要同佢哋商量。我一向都有睇樓。（儲到首期未？）首期可以係一成又或者三成，我想畀多啲首期，咁就可以供得輕鬆啲，不過我會量力而為。」
