Baby情侶波鞋顯默契

Angelababy昨日與兩位師妹Sarah和Fiona一起出席波鞋展覽活動，對近日有傳其緋聞男友黃曉明及周迅等與經理人公司約滿後將離巢作獨立個體發展，對此，Baby說：「唔知道。關於佢（黃曉明）嘅嘢我都係拉鏈。」Baby又表示瘋狂喜歡波鞋，家中有超過200對，問她可會接受情侶波鞋，她說：「接受，我覺得情侶波鞋係情侶之間一種默契嘅表現。（同黃曉明有冇情侶波鞋？）冇。（你送畀佢囉！）我都係大會送咋！」
Baby對緋聞男友動向以拉鏈嘴不作答。
Baby對緋聞男友動向以拉鏈嘴不作答。

近日有報道指台灣女藝人張鈞甯因不滿有份演出電影《痞子英雄》的Baby獲導演加戲份而辭演，對此，Baby說：「我收到劇本時只係知道有兩個女主角，除咗我，另一個係陳意涵，冇見過張鈞甯，所以唔知點解會有呢啲報道。」

Baby於兩位師妹Sarah（左）和Fiona面前甚有師姐風範。
  • Baby於兩位師妹Sarah（左）和Fiona面前甚有師姐風範。