吳若希朱紫嬈為情歌王子獻sing
吳若希、冼色麗及朱紫嬈齊為情歌王子黃凱芹的演唱會擔任嘉賓，難得獲前輩讚賞，三位樂壇新人笑言會出盡法寶，讓觀眾及黃凱芹留下深刻印象！
情歌王子黃凱芹再度回歸開騷，三位分別來自歌、影壇的新人吳若希、朱紫嬈及冼色麗，有幸為他擔任嘉賓，她們揚言要好好把握機會！朱紫嬈曾問公司，黃凱芹為何會邀請自己做嘉賓，她說：「公司話佢想搵新聲音合作，真係好開心佢有留意我唱歌，因為我哥哥係黃凱芹嘅超級歌迷，所以我都聽唔少佢嘅歌，最鍾意係《傾心》，到依家我都仲記得點唱o架！」
被指翻版劉小慧
吳若希則認為自己的聲音較甜美，故吸引黃凱芹青睞：「啲人成日話我係『翻版劉小慧』，唔知有冇關係呢？」她大讚對方有型又性感：「我好記得當年佢同劉小慧合唱嘅《望星星》，最近都有上網睇番個MV，希望到時可以喺台上同佢合唱啦！」
冼色麗願拜為師
來自影壇的冼色麗初試啼聲，直言會分外把握這個難得的機會：「冇諗過可以為前輩歌手做嘉賓，我又唔係全職歌手，所以特別覺得榮幸，我會好好珍惜呢個機會o架啦！」她不擔心會被同為歌手的吳若希及朱紫嬈比下去，她透露自己亦有跟歌唱老師學唱歌，直言假如獲黃凱芹收為徒弟更好！
場地：Mangrove
髮型：Jimmy White@ CHIN. G（吳若希）
服裝：JFT（吳若希）、Emilio Pucci（朱紫嬈）
形象指導：Sarona Lo@Sarona's Studio（朱紫嬈）
文：盧坤穎 攝：沈健程