Kary叫大家耳王十四一心

今次並非「Band女」Kary首次跟樂隊組合crossover，之前她就曾跟Ping Pung合作，問到兩隊樂隊有何分別時，她認為兩者相差甚遠，而且今次她更親力親為參與創作。

食過翻尋味

Kary說：「今次由揀歌到開會坐低傾，每個人都有參與同畀意見，真係自己落手落腳去做，滿足感會大啲！」本來他們只打算合作一次，但Kary似乎食過翻尋味，不排除日後再有幕後合作機會。

他們更推翻「慢工出細貨」的定律，整隻碟都是在公司多次催促下完成，但結果大家都相當滿意，新碟《合+歡》中有一首歌叫《耳王十四一心》，相當特別，Kary說：「呢幾個字加埋就係『聽』嘅意思，希望大家可以用心聽，同聽多啲唔同類型嘅音樂！」

Kary與Hardpack四子合作愉快。

Kary與Hardpack應娛樂on show之邀分享合作過程。

睇好林欣彤

而Hardpack成員Kevin原來有份為《超級巨聲2》伴奏，對於勝出者林欣彤（Mag），他直言早於第一次跟她見面時已對她刮目相看：「佢第一日嚟練歌我已經覺得佢好勁，同埋佢每次唱歌嘅表現都好穩定。」

文：專案組