陳宛蔚自摸神韻難捕捉

曾擔任味之天使「賓治」的女藝人陳宛蔚，最近同時拍攝幾套劇集，忙得日夜顛倒，但她依然不忘抽時間增值。為了令自己更有女人味，有溜冰底子的陳宛蔚，選擇了難度甚高的鋼管舞。她說：「我本身比較粗魯，所以揀跳pole dance，想令自己sexy啲，要對鏡自摸同趴地扭嚟扭去，神韻真係好難捉。」

陳宛蔚又自爆趣事：「第一堂就要飛上去夾住條柱，又要好多好難嘅動作，好似要倒立擘髀咁，好在我夠膽試。」問到有否受傷？她說：「曾經拉傷大髀筋，膝頭又瘀晒，最誇張試過用半盅遮瑕膏！」除了學舞外，她亦有進修普通話，希望可多返內地登台搵真銀。